Barnekoret på Uppheim er eit kor for barn mellom 4 og 8 år. Vi møtast anna kvar tysdag for å synge saman. Her blir det både spreke nye songar med flotte rytmar og dei gode tradisjonelle barnesongane. To gongar i året syng vi på messe og basar på Uppheim, nokre gongar i kyrkja, på bedehus eller der vi blir spurt å bidra. Øving frå kl. 17.30 til 18.15 i storsalen på Uppheim.

KFUM Volda Volleyball tilbyr aktivitetar for både for born og vaksne. Våre trenarar og lagleiarar er ikkje alle utdanna innan idrett, men vi er alle opptekne av gode menneskelege relasjonar og ei haldning som gjev samhald og idrettsglede. I KFUM Volda Volleyball står bredda og lagspelet i fokus. Det skal vere ei trygg oppleving å vite at borna deltek i KFUM Volda Volleyball. KFUM Volda Volleyball vert driven på frivillig basis og alle involverte, frå oppmenn til leiar, utfører arbeidet på dugnad. Det vil vere behov for dugnadsarbeid i form av vakter på arrangement/turneringar eller kakebaking til kiosksal. Så langt det let seg gjere ynskjer vi å involvere ungdomane sjølve i dette arbeidet, men for dei aller minste treng ein frå tid til anna hjelp av føresette.

Volda og Ørsta Ten Sing er eit kristent ungdomstilbod som kombinerer mange ulike aktivitetar. Gjennom kor, dans, drama, band, lydteknikk og styrearbeid får ungdommane høve til å utfalde seg kreativt. Kvar tysdag (fyl skuleruta så det er ikkje i feriar og høgtider) samlast ca. 30-40 ungdommar mellom 13-19 år til Ten Sing-øving på Uppheim i Volda (KFUK-KFUM sitt hus). Øvingane byrjar kl 18.00 og er ferdig kl. 20.00. Dørene vert opna kl 17.30, så om du kjem med buss frå Ørsta/Vartdal, så slepp du å vente ute! –Dette gir deg òg høve til å skravle med dei andre før øvinga byrjar.…

Trialklubb på søre sunnmøre.